Agjentët ndotës të ambientit, siç është tymi i cigares, dëmin më të madh ia shkaktojnë TRAKTIT RESPIRATOR. Kjo është shumë e lehtë për t'u kuptuar me të shikuar një numër aspektesh themelore të patologjisë fiziologjike të anatomisë respiratore.

Njerëzit marrin frymë mesatarisht 15-20 herë në minutë, që i bie 21.000-28.000 herë në ditë, 7,5-10 milionë herë në vit, apo mbi gjysmë miliardë gjatë tërë jetës. Çdo ditë fusim brenda dhe nxjerrim jashtë 15.000 litra ajër, që i bie 5,5 milionë litra në vit, të filtruara nëpër një sipërfaqe alveolare prej 70-100 metra katrorësh. Duke marrë frymë ne fusim në alveole 3000 litra O2, derisa nxjerrim jashtë nga alveolet 6000 litra dyoksid karboni (CO2).

Është e pashmangshme që integriteti i traktit respirator të sulmohet nga agjentët e dëmshëm. Çdo tym duhani përmban së paku 10 në fuqinë e 15, që i bie 10 e përcjellë me 15 zero – një numër të paimagjinueshëm të substancave oksiduese dhe ngacmuese, që janë përgjegjëse për dëmtimet e traktit respirator.

Tymi i duhanit përmban mbi 4000 komponente dëmtuese që shkaktojnë: varësi nga nikotina, rritje të frekuencës së rrahjes së zemrës, probleme me qarkullimin e gjakut, zvogëlim të sasisë së ushqimit për indet, zvogëlim të oksigjenit në gjak, humbje të pigmenteve të lëkurës, humbje të flokëve, mplakje të hershme dhe zvogëlim të kapacitetit frymëmarrës. Këta ngacmues gjithashtu shkaktojnë rritjen e: akumulimit të mukozës në bronke, bronkit kronik, monoksidit të karbonit, emfizemës, benzpirenit dhe substancave të tjera kancerogjene, që e rrisin rrezikun nga kanceri.