Trajtimi përmes pajisjes R.I.S.E. (Elektropulsi i Skanimit të Refleksit përmes Instrumentit) ka kohëzgjatje prej minimum 20 deri në maksimum 60 minuta. Koha për stimulimin elektrik llogaritet me softuerin "NoSmoke" (PaDuhan) sipas të dhënave personale të klientit, ndaj dhe kohëzgjatja e trajtimit ndryshon prej njërit person në tjetrin.

Trajtimi është plotësisht pa dhimbje dhe mund të tolerohet nga të gjithë, pasi që stimulimi elektrik ndihet vetëm lehtësisht dhe pa ndonjë siklet të tepërt. Nëse klienti është posaçërisht i ndjeshëm dhe emocional, ekziston mundësia që intensiteti i stimulimit elektrik të zvogëlohet nën pragun e ndjeshmërisë duke e rregulluar softuerin POD. Kjo e zvogëlon sikletin, i cili në disa raste mund të keqinterpretohet si dhimbje.

Operatori në Qendër, para se ta fillojë trajtimin, do t'i fusë të dhënat personale të klientit në aparatin RISE, në mënyrë që ta krijojë një model: p.sh. mosha, gjinia, informata në lidhje me shprehinë e pirjes së duhanit, kohëzgjatja e pirjes së duhanit, sasia e cigareve në ditë, lloji i duhanit etj. Më tej, testi vazhdon duke e kontrolluar motivimin e klientit dhe mundësinë që ai/ajo ta ndërpresë pirjen e duhanit duke e përdorur varësinë fizike ose testin Fagerstrom, kurse testi i varësisë nga duhani përdoret për ta caktuar varësinë psikologjike.

Përveç të dhënave mbi duhanpirësin, për përcaktimin e mëtutjeshëm të rrugës së trajtimit, mund të futen edhe dy të dhëna të tjera: rezultatet e testit Spiro-metrik, ku maten mushkëritë ose kapaciteti i frymëmarrjes dhe sasia e monoksidit të karbonit që lëshojnë mushkëritë. Që të dy testet kërkojnë vetëm një test të thjeshtë të frymëmarrjes, gjë që merr vetëm disa sekonda dhe kryhet nga stafi mjekësor. Këto teste nuk janë qenësore për rezultate pozitive të trajtimit, por përdoren si të dhëna opcionale nga aparati RISE.

Për ta kuptuar më mirë gjendjen shpirtërore të klientit gjatë trajtimit, në çdo moment kemi mundësi që t'i kontrollojmë edhe rrahjet e zemrës apo pulsin.

Aparati RISE përfshin programin për elaborimin e të dhënave, i cili më së miri mund ta planifikojë shtegun e stimulimit, në bazë të parametrave specifikë më efikas, nga pika në pikë, në relacion me kohën, frekuencën dhe fuqinë e stimulimit elektrik.

Stimulimi i pikave të "refleksit" në veshin e jashtëm të klientit prodhohet me anë të mjetit të posaçëm infra të kuq POD, skaji i së cilës përbëhet nga një mikro-sferë e artë.

Operatori stimulon pikat e refleksit në veshin e jashtëm të klientit me aparatin POD derisa klienti qëndron i ulur rehat në karrige.

Aparati RISE është i pajisur me monitor LCD, i cili e tregon shtegun që duhet ndjekur gjatë trajtimit, duke e kalibruar sekuencën personale të stimulit për secilin klient në mënyrë individuale, në relacion me fuqinë, kohëzgjatjen dhe frekuencën e stimulit elektrik.

Stimulimi elektrik që ushtrohet me aparatin RISE favorizon veprimet ndihmëse dhe një masazh special mikro qelizor, që ndihmon në asgjësimin e substancave helmuese të duhanit, të akumuluara në organe pas vitesh të tëra të shprehisë së pirjes së duhanit dhe e rrit shkarkimin e endorfinës nga sistemi, e cila do t'i "mbështjellë" molekulat e nikotinës dhe receptorët lidhur me varësinë e duhanit. Si rrjedhim, kjo do ta parandalojë dëshirën e futjes së mëtutjeshme të nikotinës në organizëm dhe si pasojë do të zhduket edhe dëshira për ta pirë duhanin.

Gjatë ditëve në vijim, metabolizmi do t'i eliminojë toksinet përmes urinës, e cila mund të marrë ngjyrë më të mbyllët dhe të jetë më e turbullt.

Duke iu falënderuar metodës I QUIT SMOKING, duhanpirësi nuk do të kalojë nëpër kriza të abstinencës nga nikotina, sepse nuk do ta dëshirojë atë, por do të jetojë në një gjendje pa stres dhe pa rrezikun e efekteve anësore, si për shembull dëshirën që të hajë më shumë.